هوت دوك رول

الطريقه
كل عشر اصابع هدوت دوك
كوب طحين صغير والسبب راح تكون العجينه كولش رقيقه وخفيفه لان راح تنفش بالفرن

واقل من ملعقه كبيره خميره
ورشه ملح وشه شكر ورشه زيت زيتون
ونعوفها تختمر اطول فتره ممكنه

التحضير

نقسم العجينه الى عشر كرات راح تشوفوها جدا صغيره الكرات
ونفتحها بالشيبك بقليل من الطحين ونلف الهوت دوك بالعجينه الخفيفه

وفي وعاء عميق بيضه وحده مخلوطه زين نغمس كل الرول اللي سويناه بحيث ينغمر بالبيض ونصفيه زين
ونحطه بصينيه الفرن فوق ورق الزبد

ونبدي نعمل بعض الخطوط فوق العجينه للجماليه
ونقطع الاطراف بالسكين علمود تصير محدده وشكلها حلو

بالنسبه للفرن يكون مشغلينه قبل 20 دقيقه على 250 درجه
بحيث كولش حار

ندخل الرول بالفرن وما نبتعد لان ما يطول اقل من 3 او 4 دقايق ينفش بسرعه ويحمص
نطلع الصينيه ونقلب عالوجه الاخر
وهمين 3 او 4 دقايق

ونطلعه من الفرن ويكون هشه ومحمص وبالشكل النهائي اللي تشوفونه

ويا ريت تجربونه وخصوصا اللي عدهم اطفال
لان وجبه سريعه وطيبه ومشهيه

والف عافيه ♥